കൊല്ലം റൂറൽ പോലീസ്; ഗിഫ്റ്റ് പാഴ്സലുകളിൽ ഒളിഞ്ഞിരിക്കുന്ന ചതിക്കുഴികളെ തിരിച്ചറിയുക

കൊല്ലം: മാട്രിമോണിയൽ സൈറ്റുവഴി വിവാഹം ഉറപ്പിച്ച വരൻ അല്ലെങ്കിൽ സോഷ്യൽ മീഡിയായിലൂടെ പരിചയപ്പെട്ട സുഹൃത്ത് അയച്ച വിലയേറിയ ഗിഫ്റ്റ് പാഴ്സലുകളിൽ കസ്റ്റംസ് തീരുവയായി പണം നൽകുന്നത് സൂക്ഷിക്കുക. മാട്രിമോണി സൈറ്റുകളിലോ സോഷ്യൽ മീഡിയയിലെ വിദേശ സുഹൃത്തുക്കളോ ഇരയെ ബോധ്യപ്പെടുത്താൻ ഇനിപ്പറയുന്നവ ചെയ്യും

1. പാർസലിന്റെ ഫോട്ടോകൾ അയയ്ക്കുക
2. വിദേശ മൊബൈൽ നമ്പറിൽ നിന്ന് വിളിക്കുക
3. നിലവിലില്ലാത്ത ഉയർന്ന മൂല്യമുള്ള പാഴ്സലിനായി ബാങ്ക് അക്കൗണ്ടിൽ നികുതി ഇനത്തിൽ പണം നിക്ഷേപിക്കാൻ തട്ടിപ്പുകാർ ഇരയോട് ആവശ്യപ്പെടും
4. കസ്റ്റംസിന്റേതെന്ന് തോന്നിപ്പിക്കുന്ന രേഖകൾ നിങ്ങൾക്ക് അയച്ച് നൽകും
5. ഇറക്കുമതി / കസ്റ്റംസ് തീരുവ അടയ്ക്കാൻ നിങ്ങൾ വിസമ്മതിച്ചാൽ കസ്റ്റംസ് ഉദ്യോഗസ്ഥർ എന്ന വ്യാജേന മറ്റൊരു നമ്പരിൽ നിന്ന് ബന്ധപ്പെട്ട് നിങ്ങൾക്ക് വന്നിട്ടുള്ള പാഴ്സലിൽ വിദേശ കറൻസികൾ ഉണ്ടെന്നും നിങ്ങൾക്കെതിരെ കേസ് രജിസ്റ്റർ ചെയ്യാതിരിക്കാൻ പാർസലിന് പരിവർത്തന ഫീസ് അടയ്ക്കാൻ നിർബന്ധിക്കും
6. ആർ‌ബി‌ഐ ഉദ്യോഗസ്ഥർ എന്ന വ്യാജേന ബന്ധപ്പെട്ട് ഇല്ലാത്ത നിയമ നടപടികൾ പറഞ്ഞ് നിങ്ങളെ ഭയപ്പെടുത്തും
7. എല്ലാത്തിനും സർക്കാർ മുദ്രകളോടു കൂടിയ വ്യാജ രേഖകൾ നിങ്ങൾക്ക് അയച്ച് തന്ന് വിശ്വസിപ്പിക്കും

ഇത്തരം പറ്റിപ്പ് നടത്തുന്ന സംഘങ്ങളുടെ ആസ്ഥാനം വടക്കേ ഇന്ത്യൻ സംസ്ഥാനങ്ങളാണ്. തട്ടിപ്പിനായി സ്വന്തം പേരിലുള്ള സിമ്മോ ഫോണുകളോ ബാങ്ക് അക്കൗണ്ടുകളോ ഇവർ ഉപയോഗിക്കില്ല. കസ്റ്റംസ്, ആർ‌.ബി‌.ഐ ഉദ്യോഗസ്ഥർ പൊതുജനങ്ങളുമായി ഒരിക്കലും ഫോണിൽ ബന്ധപ്പെടില്ല.

ഓർക്കുക ചതിക്കുഴികളിൽ അകപ്പെടാതിരിക്കുക
സൈബർ സെൽ, കൊല്ലം റൂറൽ - 9497980211