കൊട്ടാരക്കര: കേരള പോലീസ് അസോസിയേഷൻ കൊല്ലം റൂറൽ ജില്ലാ കമ്മിറ്റിയുടെ നേതൃത്വത്തിൽ സിവിൽ സർവ്വീസ് പരീക്ഷയിൽ ഉന്നത വിജയം നേടിയ ഡോ: അരുൺ എസ് നായർ, ശ്രീ. ആശിഷ് ദാസ് എന്നിവരെ ആദരിച്ചു. കൊല്ലം റൂറൽ ജില്ലാ പോലീസ് മേധാവിയുടെ ഓഫീസിൽ വച്ച് നടന്ന ചടങ്ങിന് കേരള പോലീസ് അസോസിയേഷൻ ജില്ലാ പ്രസിഡന്റ് വിനോദ് അദ്ധ്യക്ഷത വഹിച്ചു. ജില്ലാ സെക്രട്ടറി ഗിരീഷ് സ്വാഗതം ആശംസിച്ചു. കൊല്ലം റൂറൽ ജില്ലാ പോലീസ് മേധാവി ശ്രീ. ഹരിശങ്കർ ഐ.പി.എസ് വിജയികൾക്ക് മൊമന്റോ നൽകി ആദരിച്ചു. കൊല്ലം റൂറൽ അഡീഷണൽ ജില്ലാ പോലീസ് മേധാവി മധുസൂദൻ, കേരളപോലീസ് ഓഫീസേഴ്സ് അസോസിയേഷൻ സംസ്ഥാന എക്സിക്യുട്ടീവ് അംഗം സലിം, പോലീസ് അസോസിയേഷൻ നേതാക്കളായ അജിത്, ബിജു.വി.പി, ഷൈജു എന്നിവർ ചടങ്ങിൽ ആശംസകൾ അർപ്പിച്ചു.
അഭിപ്രായങ്ങളൊന്നുമില്ല
ഒരു അഭിപ്രായം പോസ്റ്റ് ചെയ്യൂ