കുമ്മിൾ ഗ്രാമപഞ്ചായത്തിലെ നിർധനരായ കുടുംബങ്ങൾക്ക് കിറ്റ് നൽകി

കുമ്മിൾ: കുമ്മിൾ കൊറോണ വൈറസ് മഹാമാരിയെ തുടർന്ന് തൊഴിലില്ലായ്മയും, ദാരിദ്ര്യവും മൂലം കഷ്ടത അനുഭവിക്കുന്ന കുമ്മിൾ ഗ്രാമപഞ്ചായത്തിലെ പുതുക്കോട് വാർഡിലെ നിർധനരായ കുടുംബങ്ങൾക്ക് വാർഡ് മെമ്പർ ഇർഷാദ് എ.എം ന്റെ നേത്യത്വത്തിൽ നൽകുന്ന ഭക്ഷ്യധാന്യക്കിറ്റിന്റെയും, പച്ചക്കറിക്കിറ്റിന്റെയും രണ്ടാം ഘട്ട വിതരണോത്ഘാടനം കൊല്ലം പാർലമെന്റ് മെമ്പർ എൻ.കെ പ്രേമചന്ദ്രൻ ഉദ്ഘാടനം ചെയ്തു. 100 കുടുംബങ്ങൾക്കാണ് രണ്ടാം ഘട്ടത്തിൽ കിറ്റുകൾ വിതരണം ചെയ്തത്. 

150 കുടുംബങ്ങൾക്ക് ഒന്നാം ലോക്ക് ഡൗൺ കാലയളവിൽ ഭക്ഷ്യധാന്യക്കിറ്റും, പച്ചക്കറിക്കിറ്റും വിതരണം നടത്തിയിരുന്നു. വാർഡ് മെമ്പർ ഇർഷാദ് എ.എം, കടയ്ക്കൽ താജുദ്ദീൻ, തമീ മുദ്ദീൻ, നിഫാൽ, തവാബ്, മുനീർ, അമീൻ എന്നിവർ കിറ്റ് വിതരണത്തിന് നേത്യത്വം നൽകി