കൊല്ലം: കൊല്ലം ജില്ലയില്‍ 5,399 പേര്‍ ഗൃഹനിരീക്ഷണത്തില്‍ . ഇന്നലെ പുതുതായി ഗൃഹനിരീക്ഷണത്തില്‍ പ്രവേശിച്ചത് 26 പേര്‍ മാത്രമാണ്. ആശുപത്രിയില്‍ പുതുതായി വന്ന രണ്ടുപേര്‍ ഉള്‍പ്പെടെ 12 പേര്‍ മാത്രമേ നിരീക്ഷണത്തില്‍ ഉള്ളൂ. ഒരാള്‍ ഡിസ്ചാര്‍ജ് ആയി. 18,901 പേരില്‍ ഇതുവരെ 13,502 പേര്‍ നിരീക്ഷണപരിധിയില്‍ നിന്നും ഒഴിവായിട്ടുണ്ട്.
ഇതുവരെ വിദഗ്ധ പരിശോധനയ്ക്ക് അയച്ച 1,149 സാമ്ബിളുകളില്‍ 32 എണ്ണത്തിന്റെ ഫലം കൂടി വരാനുണ്ട്. നിലവില്‍ ജില്ലയില്‍ പോസിറ്റീവായി ഏഴു കേസുകള്‍ മാത്രമാണുള്ളത്. രണ്ടു പേര്‍ രോഗം ഭേദമായി വീട്ടിലേക്ക് തിരികെ എത്തി. ഇന്നലെ ഏഴു സാമ്ബിളുകളുടെ കൂടി ഫലം വന്നിട്ടുണ്ട്. എല്ലാം നെഗറ്റീവാണ്. ഇതുവരെ ഫലം വന്നതില്‍ 1,106 എണ്ണം നെഗറ്റീവാണ്.
കോവിഡ് 19 മായി ബന്ധപ്പെട്ട വിവരങ്ങള്‍ കൈമാറുന്നതിനും സംശയങ്ങള്‍ക്കും 8589015556, 0474-2797609, 1077, 7306750040(വാട്‌സ് ആപ് മാത്രം), 1056(ദിശ) എന്നീ നമ്ബരുകളില്‍ ബന്ധപ്പെടാം.
അഭിപ്രായങ്ങളൊന്നുമില്ല
ഒരു അഭിപ്രായം പോസ്റ്റ് ചെയ്യൂ