കടയ്ക്കല്‍: എസ്.എന്‍.ഡി.പി യോഗം കടയ്ക്കല്‍ യൂണിയന്റെ ശിവഗിരി തീര്‍ത്ഥാടന പദയാത്ര ഇന്നലെ രാവിലെ 6ന് യൂണിയന്‍ അങ്കണത്തില്‍ നിന്ന് ആരംഭിച്ചു. പദയാത്രക്ക് മുന്നോടിയായി നടന്ന സമ്മേളനം യോഗം കൗണ്‍സിലര്‍ പച്ചയില്‍ സന്ദീപ് ഉദ്ഘാടനം ചെയ്തു. യൂണിയന്‍ കൗണ്‍സിലര്‍ പാങ്ങലുകാട് ശശിധരന്‍ അദ്ധ്യക്ഷത വഹിച്ചു. സെക്രട്ടറി പി.കെ. ശശാങ്കന്‍ പീത പതാക കൈമാറി തീര്‍ത്ഥാടന സന്ദേശം നല്‍കി.
യൂണിയന്‍ കൗണ്‍സിലര്‍മാരായ അമ്ബിളി ദാസന്‍, കെ. രഘുനാഥന്‍, കെ. സഹാരാജന്‍ എന്നിവര്‍ സംസാരിച്ചു. പദയാത്രാ ക്യാപ്ടന്‍ കെ.എം. മാധുരി നന്ദി പറഞ്ഞു. പദയാത്ര ആറ്റുപുറം, കാര്യം, നിലമേല്‍ തുടങ്ങിയ ശാഖകളിലെ സ്വികരണത്തിന് ശേഷം കൈതോട്, കല്ലമ്ബലം വഴി വൈകിട്ട് 6ന് ശിവഗിരിയില്‍ സമാപിച്ചു.
